Ciao, come xe? Ara. no sta gnanche domandarme, son a TOCHI! Orca! E coss’te xe suceso in ‘sti ultimi giorni? Mia moglie no me fa più de magnar. perché la xe tuto el giorno che la diventa mata con quei TOCHI de PUZZLE, mio fio me sta facendo la testa come un balon perché el vol che ghe compro i TOCHI de LEGO; mia suocera, al pian de sora. no la me fa serar ocio scontando TOCHI MUSICALI tipo “Azzurro” con l’impianto al massimo e, come se no bastassi, ieri la se ga messo a cusir vestiti de carneval; indiferente da che parte me giro, xe TOCHl de STOFA e scampoli per tuta la casa!
E te credo che te son a TOCHl! E la tua auto? Te ga rivà a meterla a posto? Ach..go TOCHI de RICAMBIO in giro per tuta la corte e el garàs! No so proprio de che parte girarme; a proposito…come faremo se i ne cava la benzina agevolata?
Te giuro che no so. ..’sto petrolio aumenta sempre de più! Ara l’American…con ‘sta scusa el ga fato el MONDO a TOCHI!
Bon, dei, no stemo pensarghe più…per fortuna tra un poco xe Carneval! Vien anche ti con BULLI E PUPE, almeno noi semo

POCHI TOCHI. . .MA BONI!

8^ classificata con punti 79